സംവിധായകന്‍ അലി അക്ബറുടെ മകളുടെ വിവാഹമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചാവിഷയം. ബാലികാ സദനത്തില്‍ വളരെ ലളിതമായ ചടങ്ങോടെയായിരുന്നു വിവാഹം. അലി അക്ബര്‍ ഫേസ്ബുക്കിലൂടെയാണ് മകള്‍ അലീനയുടെ വിവാഹം വളരെ ലളിതമായി നടത്തിയ കാര്യം അറിയിച്ചത്. അലി അക്ബര്‍ പങ്കുവെച്ച വിവാഹ വീഡിയോ വൈറലാകുകയാണ്.
സാധാരണ വേഷത്തിലാണ് വധുവും വരനും. വാദ്യമേളങ്ങള്‍ക്ക് പകരം വധു അലീനയേയും വരന്‍ രജനീഷിനേയും വരവേറ്റത് കുട്ടികളുടെ ഗായത്രീമന്ത്രം. മാതാപിതാക്കളും ബന്ധുക്കളും ആരതി ഉഴിഞ്ഞ്, തുളസിയില ഇട്ട് വധുവുനേയും വരനേയും അനുഗ്രഹിച്ചതോടെ വിവാഹത്തിന് പരിസമാപ്തിയായി.
കോഴിക്കോട് ബാലിക സദനത്തില്‍ നടന്ന വിവാഹത്തില്‍ അന്തേവാസികളായ കുട്ടികള്‍ അവതരിപ്പിച്ച കലാപരിപാടികള്‍ മാത്രമായിരുന്നു ഏക ആഘോഷം. ഇലയില്‍ ലളിതമായ ഭക്ഷണവും ഉണ്ടായിരുന്നു. നമ്മുടെ നാട്ടിലെ വിവാഹങ്ങള്‍ ആഢംബരത്തിന്റെ അവസാന വാക്കാകുമ്പോള്‍ ഇത് ലളിതം എന്നതിന്റെ അവസാന വാക്കായി. വിവാഹത്തിന്റെ വീഡിയോ ധാരാളം ആളുകള്‍ പങ്കുവയ്ക്കുന്നുണ്ട്.
